ಸಹಕಾರಿ ಸಂಸ್ಥೆಗಳು ನಿಸ್ಸಂಶಯವಾಗಿ ಉತ್ಪಾದನೆಯ ಸಂಘಟನೆಯ ಬಂಡವಾಳಶಾಹಿ ವಿಧಾನಕ್ಕಿಂತ ಸುಧಾರಣೆಯಾಗಿದೆ. ʼಸ್ವಯಂ ನಿರ್ವಹಣೆ ಮತ್ತು ಸಹಭಾಗಿತ್ವದ ಪ್ರಜಾಪ್ರಭುತ್ವʼ ಪ್ರಮುಖ ಪಾಠಗಳನ್ನು ನೀಡುತ್ತಾ ಮತ್ತು ʼಸಾಮಾಜಿಕ ನ್ಯಾಯ ಮತ್ತು ಸಮಾಜ ಕಲ್ಯಾಣದ ʼಗುರಿಗಳನ್ನು ಸಾಧಿಸಲು ಸಹಕಾರ ಶ್ರಮಿಸುತ್ತದೆ. ಇದರ ಮಾದರಿ ULCCS.
ಸಹಕಾರಿ ಸಂಸ್ಥೆಗಳು ಖಾಸಗೀಕರಣ ಅಥವಾ ಸರ್ಕಾರಿ ನಿಯಂತ್ರಿತ ಉದ್ಯಮಗಳ ಪರ್ಯಾಯವಾಗಿ ದೇಶದ ಆರ್ಥಿಕ ಪ್ರಗತಿಯ ಕಾರ್ಯನಿರ್ವಹಣೆಗೆ ಬಹುದೊಡ್ಡ ಕೊಡುಗೆ ನೀಡಿದೆ. ಬ್ರಿಟಿಷ್ ವಸಾಹತುಶಾಹಿ ಆಡಳಿತದ ಅಡಿಯಲ್ಲಿ ಪ್ರಾರಂಭವಾದ ಸಹಕಾರಿ ಸಂಸ್ಥೆಗಳು 1947 ರಲ್ಲಿ ಭಾರತದ ಸ್ವಾತಂತ್ರ್ಯದ ನಂತರ ಪ್ರಜಾಸತ್ತಾತ್ಮಕ ಆರ್ಥಿಕ ಯೋಜನೆಗಾಗಿ ಹೋರಾಡಿದೆ. ಜನ ಕೇಂದ್ರಿತ ಸಹಕಾರಿ ಸಂಸ್ಥೆಗಳು ಕೃಷಿ, ಹೈನುಗಾರಿಕೆ, ಅರಣ್ಯ, ಮೀನುಗಾರಿಕೆ, ಸಾಲ ಮತ್ತು ಬ್ಯಾಂಕಿಂಗ್, ವಸತಿ ಮತ್ತು ನಿರ್ಮಾಣ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ , ರೈತರು, ಮಹಿಳೆಯರು, ಯುವಕರು, ಬಡವರು ಮತ್ತು ಬಡತನದ ಅಂಚಿನಲ್ಲಿರುವವರು ಸೇರಿದಂತೆ ಸಮಾಜದ ವಿಶಾಲ ವರ್ಗಗಳಿಗೆ ಸೇವೆ ಸಲ್ಲಿಸುತ್ತವೆ. ಆದರೆ ಸಾರ್ವಜನಿಕ ಚಿತ್ರಣದಲ್ಲಿ, ಸಹಕಾರಿ ಸಂಸ್ಥೆಗಳು ಬಹುಮಟ್ಟಿಗೆ ಸರ್ಕಾರದಿಂದ ನಡೆಸಲ್ಪಡುತ್ತಿವೆ ಅಥವಾ ಖಾಸಗಿ ಉದ್ಯಮಗಳು ಸಹಕಾರಿಗಳೆಂದು ಶಂಕಿತವಾಗಿದೆ.1990 ರ ದಶಕದ ಆರಂಭದಲ್ಲಿ ಉದಾರೀಕರಣ ಮತ್ತು ಜಾಗತೀಕರಣಗಳ ಆಗಮನದೊಂದಿಗೆ, ಭಾರತೀಯ ಆರ್ಥಿಕತೆಯ ಗಮನವು ಖಾಸಗೀಕರಣದತ್ತ ಸಾಗಿತು. ಆಗಲೂ, ಸಹಕಾರಿ ಸಂಸ್ಥೆಗಳು ಸ್ಥಳೀಯರ ಆರ್ಥಿಕ ಪ್ರಗತಿಗೆ ಶ್ರಮಿಸಿತು.
ಇದರ ಉದಾಹರಣೆಯಾಗಿ ಕಾರ್ಮಿಕರ ಅಭಿವೃದ್ದಿಗೆಂದು ಆರಂಭಗೊಂಡ ಕೇರಳದ ULCCS. ಉರಾಲುಂಗಲ್ ಲೇಬರ್ ಕಾಂಟ್ರಾಕ್ಟ್ ಕೋ ಆಪರೇಟಿವ್ ಸೊಸೈಟಿ (ULCCS), 2000 ಬಲವಾದ ಕಾರ್ಮಿಕರ ಸದಸ್ಯ ಮಾಲೀಕತ್ವದಲ್ಲಿ ನಿರ್ಮಾಣವಾದ ಸಹಕಾರಿ, ಇಂದು ರಸ್ತೆಗಳು, ಸೇತುವೆಗಳು ಮತ್ತು ಕಟ್ಟಡ ಸಂಕೀರ್ಣಗಳಂತಹ ದೊಡ್ಡ ಮೂಲಸೌಕರ್ಯ ಯೋಜನೆಗಳನ್ನು ನಿರ್ಮಿಸುತ್ತಿದೆ
ULCCS ಮೂಲವು ಕೇರಳದ ಮಲಬಾರ್ ಪ್ರದೇಶದ ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ಪರಿಸರದಲ್ಲಿ ಆಳವಾಗಿ ಹುದುಗಿದೆ. 1917 ರಲ್ಲಿ ರಾಷ್ಟ್ರವಾದಿ, ಸಮಾಜ ಸುಧಾರಕ ಗುರು ʼವಾಗ್ಭಟಾನಂದʼ ಮಾರ್ಗದರ್ಶನದಲ್ಲಿ ಈ ಸಹಕಾರಿ ಸಂಸ್ಥೆ ರೂಪುಗೊಂಡಿತು. ಇಪ್ಪತ್ತನೇ ಶತಮಾನದ ಆರಂಭದಲ್ಲಿ ಚಾಲ್ತಿಯಲ್ಲಿದ್ದ ಕಠಿಣ ಜಾತಿ ಅಡೆತಡೆಗಳನ್ನು ಇವರು ವಿರೋಧಿಸಿದ್ದರು. ಜಾತಿ ತಾರತಮ್ಯಕ್ಕೆ ಇವರ ವಿರೋಧದ ಪರಿಣಾಮವಾಗಿ, ಆಗಿನ ಗಣ್ಯರು ಧಾರ್ಮಿಕವಾಗಿ ಕಡಿಮೆ ಎಂದು ಪರಿಗಣಿಸಲ್ಪಟ್ಟ ‘ತಿಯಾ’ ಸಮುದಾಯದಿಂದ ಗುರು ವಾಗ್ಭಟಾನಂದರ ಅನುಯಾಯಿಗಳನ್ನು ನೇಮಿಸಿಕೊಳ್ಳುವುದನ್ನು ನಿಲ್ಲಿಸಿದರು. ಉದ್ಯೋಗ ಅವಕಾಶಗಳ ನಿರಾಕರಣೆಯನ್ನು ಹೋಗಲಾಡಿಸಲು, ಅವರದೇ ಆದ ʼಆತ್ಮವಿದ್ಯಾ ಸಂಘಮ್ʼ ಅಡಿಯಲ್ಲಿ ಉರಲುಂಗಲ್ ಕೂಲಿ ವೆಲಕ್ಕರುಡೆ ಪರಸ್ಪರ ಸಹಾಯ ಸಂಘ (ಉರಲುಂಗಲ್ ಕೂಲಿ ಕಾರ್ಮಿಕರ ಪರಸ್ಪರ ಸಹಾಯ ಮತ್ತು ಸಹಕಾರ ಸಂಘ)ವನ್ನು 14 ಜನ ಆಸಕ್ತ ಯುವ ಸದಸ್ಯರೊಂದಿಗೆ ಕೇವಲ 37 ಪೈಸೆ ಬಂಡವಾಳದೊಂದಿಗೆ ರಚಿಸಲಾಯಿತು. 1924 ರಲ್ಲಿ ತಮ್ಮ ಮೊದಲ ಕೆಲಸವಾಗಿ ಪ್ರವಾಹದಲ್ಲಿ ಕುಸಿದ ಕೃಷಿಭೂಮಿಗಳ ಕಟ್ಟುಗಳನ್ನು ,ಪ್ರವಾಹದಲ್ಲಿ ಒಡೆದುಹೋದ ಮೀನುಗಾರರ ಸ್ಟಾಕ್ ಯಾರ್ಡ್‌ಗಳನ್ನು ULCCS ನ ಯುವಕರು ಮರುನಿರ್ಮಿಸಿದರು, ಅದನ್ನು “ಸ್ಥಿತಿಸ್ಥಾಪಕ ಯೋಜನೆ” ಎಂದು ಕರೆದರು. 1925 ರಲ್ಲಿ ಔಪಚಾರಿಕವಾಗಿ ‘ಪಾಲೇರಿ ಚಂದನ್‌ಮಾನ್’ ಅವರ ಅಧ್ಯಕ್ಷತೆಯಲ್ಲಿ ಈ ಯುವಕರ ಶ್ರಮವನ್ನು ಉರಾಲುಂಗಲ್ ಲೇಬರ್ ಕಾಂಟ್ರಾಕ್ಟ್ ಕೋಆಪರೇಟಿವ್ ಸೊಸೈಟಿ, ULCCS ನಲ್ಲಿ ಒಂದು ಉದ್ಯಮವಾಗಿ, ನೋಂದಾಯಿತ ಘಟಕವಾಗಿ ಪರಿವರ್ತಿಸಲಾಯಿತು. 1925 ರಲ್ಲಿ ಮದ್ರಾಸ್ ಪ್ರಾವಿಡೆನ್ಸ್‌ನ ಉತ್ತರ ಮಲಬಾರ್ ಪ್ರದೇಶಗಳ ಹಳ್ಳಿಗಳ ಮಾರ್ಗಗಳನ್ನು ULCCS ಮೂಲಕ ನಿರ್ಮಿಸಲಾಗಿದೆ.
1965 ರ ದಶಕದಲ್ಲಿ ಸುಮಾರು 1415 ಸದಸ್ಯರನ್ನು ಹೊಂದಿ ನಾಲ್ಕು ಸಾವಿರಕ್ಕೂ ಹೆಚ್ಚು ಕಾಮಗಾರಿ ಯೋಜನೆಗಳನ್ನು ಪೂರ್ಣಗೊಳಿಸಿತು. ಮಲಪ್ಪುರಂ ಜಿಲ್ಲೆಯಲ್ಲಿ 450 ಕೋಟಿ ರೂಪಾಯಿ ‘ವೆಚ್ಚದ ರಸ್ತೆ ನಿರ್ಮಾಣ’ ಇದರ ದೊಡ್ಡ ಯೋಜನೆಯಾಗಿದೆ. ಲೋಕೋಪಯೋಗಿ ಇಲಾಖೆ, ರಾಷ್ಟ್ರೀಯ ಹೆದ್ದಾರಿ, ನೀರಾವರಿ ಮತ್ತು ಪ್ರವಾಸೋದ್ಯಮಗಳಂತಹ ವಿವಿಧ ಸರ್ಕಾರಿ ಇಲಾಖೆಗಳಿಗೆ ನಿರ್ಮಾಣ ಕಾರ್ಯವನ್ನು ಕಾರ್ಮಿಕ ಸಹಕಾರಿ ಕೈಗೊಂಡಿತು ಮತ್ತು 1985 ರವರೆಗೆ ಅದರ ವಾರ್ಷಿಕ ವಹಿವಾಟು ಸುಮಾರು ರೂ. 6.0 ಮಿಲಿಯನ್ ಹಾಗು 2003–4ರಲ್ಲಿ 263.8 ಮಿಲಿಯನ್ ತಲುಪಿತು. 2013 ರಲ್ಲಿ ಇಂಡಿಯನ್ ಕೋ-ಆಪರೇಟಿವ್ ಕಾಂಗ್ರೆಸ್, ನ್ಯಾಷನಲ್ ಕೋ-ಆಪರೇಟಿವ್ ಫೆಡರೇಶನ್ ಆಫ್ ಇಂಡಿಯಾ ಮತ್ತು ನ್ಯಾಶನಲ್ ಕೋ-ಆಪರೇಟಿವ್ ಡೆವಲಪ್‌ಮೆಂಟ್ ಕಾರ್ಪೊರೇಶನ್‌ನಿಂದ ‘ಭಾರತದ ಅತ್ಯುತ್ತಮ ಕಾರ್ಮಿಕ ಸಹಕಾರ ಸಂಘ” ಎಂದು ಗುರುತಿಸಲ್ಪಟ್ಟಿದೆ. ಹಾಗು ULCSS ‘ಏಷ್ಯಾದ ಅತಿದೊಡ್ಡ ಕಾರ್ಮಿಕ ಕಾಪರ್ಟೈವ್ ಸೊಸೈಟಿಯಂದು ಗುರುತಿಸಲ್ಪಟ್ಟಿದೆ.’
ಎಂಪ್ಲ್ಯಮೆಂಟ್ ‘ಹಬ್’
2019 ರಲ್ಲಿ ಕೇರಳದ ನಿರುದ್ಯೋಗ ದರವು (9.5%) ರಾಷ್ಟ್ರೀಯ ಸರಾಸರಿ 6.1% ಗಿಂತ ಹೆಚ್ಚಾಗಿತ್ತು. ಸಹಕಾರಿ ಸಂಘ ಜನರು ಕೆಲಸ ಮಾಡಲು ಸ್ಪರ್ಧಿಸುವ ವಲಯವಾಗಿ ಧ್ವನಿಸುವುದಿಲ್ಲ. ಆದರೆ ULCCS ವಿಷಯದಲ್ಲಿ ಇದು ಭಿನ್ನವಾಗಿದೆ. 6,500 ಕ್ಕೂ ಹೆಚ್ಚು ಜನರಿಗೆ ಈ ಸಹಕಾರದಡಿಯಲ್ಲಿ ನೇರ ಉದ್ಯೋಗವನ್ನು ಮತ್ತು ಸುಮಾರು 9000 ಜನಕ್ಕೆ ಪರೋಕ್ಷ ಉದ್ಯೋಗವನ್ನು ಇಂದು ಒದಗಿಸುತ್ತಿದೆ. ಇದರ ಪರಂಪರೆಯನ್ನು ಅಂಗೀಕರಿಸಿ ಕೇರಳ ಸರ್ಕಾರವು ULCCS ಅನ್ನು ‘ಮೂಲಸೌಕರ್ಯ ಯೋಜನೆಗಳಿಗೆ ಮಾನ್ಯತೆ ಪಡೆದ ಸಂಸ್ಥೆಯಾಗಿ’ ಅನುಮೋದಿಸಿದೆ.
ಪ್ರಜಾಸತ್ತಾತ್ಮಕ ಆಡಳಿತ
‘ಸಾಮಾನ್ಯವಾಗಿ ಕಾರ್ಮಿಕರ ಸಹಕಾರ ಸಂಘಗಳು ಹೊರಹೊಮ್ಮಿದರೂ, ಉಳಿದುಕೊಂಡರೂ ಮತ್ತು ಏಳಿಗೆ ಹೊಂದಿದ್ದರೂ ಸಹ, ಅವರು ಶೀಘ್ರದಲ್ಲೇ ಬಂಡವಾಳಶಾಹಿ ಸಂಸ್ಥೆಯಾಗಿ ಅವನತಿ ಹೊಂದುತ್ತಾರೆ, ಕಾರ್ಮಿಕರ ನಿಯಂತ್ರಣ ಮತ್ತು ಕಾರ್ಮಿಕರ ಮಾಲೀಕತ್ವದ ಉನ್ನತ ತತ್ವಗಳನ್ನು ಕಳೆದುಕೊಳ್ಳುತ್ತಾರೆ’ ಎಂಬ ಮಾತಿಗೆ ವಿರುದ್ಧವಾಗಿ ULCCS ಸಹಕಾರಿಯ ಆಡಳಿತವು by the workers, for the workers, of the workers ಎಂಬ ಪ್ರಜಾಪ್ರಭುತ್ವ ತತ್ವಗಳನ್ನು ಮೈಗೂಡಿಸಿದೆ. ಇದರ ಬದ್ಧತೆಯಡಿಯಲ್ಲಿ ಪ್ರಜಾಸತ್ತಾತ್ಮಕವಾಗಿ ಆಯ್ಕೆಯಾದ ಅಧ್ಯಕ್ಷರು ಮತ್ತು ನಿರ್ದೇಶಕರು ಮಂಡಳಿಯ ಕಾರ್ಯನಿರ್ವಾಹಿಸುತ್ತಾರೆ.
ಉರಾಲುಂಗಲ್ ಸಹಕಾರಿಯು ಸ್ಥಳೀಯ ಮಟ್ಟದ ಪರ್ಯಾಯ ಉತ್ಪಾದನೆಗೆ ಪ್ರವರ್ತಕವಾಗಿ, ಪ್ರಜಾಪ್ರಭುತ್ವ, ಸಮಾನತೆ, ಐಕ್ಯಮತ, ಪರಸ್ಪರ ಮತ್ತು ಸಮಗ್ರ ಜಾಲಗಳಂತಹ ಒಗ್ಗಟ್ಟಿನ ಆರ್ಥಿಕತೆಯ ಗುಣಗಳನ್ನು ಸಾರುತ್ತದೆ. ಈ ಸಹಕಾರಿಯ ಪ್ರಾಥಮಿಕ ಉದ್ದೇಶ ಸಹಕಾರಿಯ ಕೆಲಸಗಾರರಿಗೆ ಸುರಕ್ಷಿತ, ಲಾಭದಾಯಕ ಮತ್ತು ಉತ್ತಮ ಸಂಭಾವನೆಯ ಕೆಲಸವನ್ನು ನೀಡುವುದು.ಇದನ್ನು ಮಾಡಲು, ಇದು ಪ್ರಜಾಸತ್ತಾತ್ಮಕ ಕಾರ್ಯಸ್ಥಳದ ಸಂಘಟನೆಯನ್ನು ಹೆಚ್ಚಿನ ಸ್ಪರ್ಧಾತ್ಮಕ , ಭ್ರಷ್ಟ ವ್ಯವಸ್ಥೆಯ ಸಂದರ್ಭದಲ್ಲಿಯೂ ಸಹ, ಸಮಾನತಾವಾದ ಪುನರ್ವಿತರಣೆಯೊಂದಿಗೆ ಗುತ್ತಿಗೆದಾರರ ಪ್ರಾಬಲ್ಯವನ್ನು ಸಾರಿತು. ‘ಕಾರ್ಮಿಕರ ಸಹಕಾರಿಗಳ ನೈಜ ಕಾರ್ಯಕ್ಷಮತೆಯು ಸ್ಫೂರ್ತಿಯಾಗಿ ಮತ್ತು ಭವಿಷ್ಯದ ಅಭ್ಯಾಸಕ್ಕಾಗಿ ಅಮೂಲ್ಯವಾದ ಪಾಠಗಳನ್ನು ನೀಡುವ ಅನುಭವಗಳಾಗಿ ನಿಲ್ಲುತ್ತದೆ. ಅಧ್ಯಕ್ಷ ʼಪಾಲೇರಿ ರಮೇಶʼ ಭ್ರಷ್ಟಾಚಾರ ಮುಕ್ತ, ಶಿಸ್ತು ಮತ್ತು ಗುಣಮಟ್ಟವನ್ನು ಖಾತ್ರಿಪಡಿಸುತ್ತಾ ULCCS ನ ಕಾರ್ಮಿಕರು ಇಂದಿನ ಉನ್ನತಿಯ ಫಲಾನುಭವಿಗಳು ಎಂದು ಹೇಳಿದ್ದಾರೆ.
IT ವಲಯದಲ್ಲಿ ಕಾರ್ಯ ನಿರ್ವಹಣೆ.
ULLCS IT ಮೂಲಸೌಕರ್ಯ ಪ್ರೈವೇಟ್ 2009 ರಲ್ಲಿ UL ಸೈಬರ್ ಪಾರ್ಕ್‌ಗಾಗಿ ಉದ್ಘಾಟನೆಯಾಯಿತು. ಇದು ಕೆಲವು ಸಾಹಸೋದ್ಯಮಗಳ ತುರ್ತುಸ್ಥಿತಿಯಿಂದ ಅಭಿವೃದ್ಧಿಗೊಂಡಿದೆ. 2010 ರಲ್ಲಿ ಕೋಝಿಕೋಡ್ನಲ್ಲಿ EK ನಾರಾಯಣ್ ಮೇಲ್ಸೇತುವೆಯನ್ನು ULCCS ಮೂಲಕ ಸಾಧಿಸಲಾಯಿತು, ಟ್ರಾಫಿಕ್ ಸಮಸ್ಯೆಗಳಿಗೆ ಬಹು ನಿರೀಕ್ಷಿತ ಪರಿಹಾರವನ್ನು ತ್ವರಿತವಾಗಿ ಒದಗಿಸಿತು. ಅದೇ ವರ್ಷದಲ್ಲಿ ಇದು ಕೋಝಿಕೋಡ್ನಲ್ಲಿ ನಗರದ ಅರಿಯದತುಪಾಲಂ ಮೇಲ್ಸೇತುವೆ ಮತ್ತು ಮಿನಿ ಬೈ ಪಾಸ್ ರಸ್ತೆಯ ಸುಧಾರಣೆಗಳನ್ನು ಕೈಗೊಂಡಿತು.
2011 ರಲ್ಲಿ ULCCS ಕಲೆ ಮತ್ತು ಪ್ರವಾಸೋದ್ಯಮಕ್ಕೆ ತೊಡಗಿತು ಮತ್ತು ಸರ್ಗಾಲಯ ಕೇರಳ ʼಆರ್ಟ್ಸ್ ಅಂಡ್ ಕ್ರಾಫ್ಟ್ಸ್ ವಿಲೇಜ್ʼ ಮತ್ತು ʼ JL ಟೆಕ್ನಾಲಜಿ ಸೊಲ್ಯೂಷನ್ಸ್ ʼ ಆರಂಭಿಸಿ ULCCS ನ IT ಅಂಗಸಂಸ್ಥೆಯನ್ನು ಉದ್ಘಾಟಿಸಲಾಯಿತು.
[ ] 2012 ರಲ್ಲಿ ULCCS ಕೋಝಿಕ್ಕೋಡ್‌ನ ಕಂದಪಂಚಲ ಸೇತುವೆಯ ಮತ್ತು ಕೋಝಿಕೋಡ್‌ನ ಮುಕ್ಕಂ ಕಡವು ಸೇತುವೆಯ ನಿರ್ಮಾಣಕ್ಕಾಗಿ ಮೆಚ್ಚುಗೆ ಪಡೆದುಕೊಂಡಿತು.
[ ] 2013 ರಲ್ಲಿ ವಯನಾಡನ್ನು ಕೋಝಿಕ್ಕೋಡ್‌ಗೆ ಸಂಪರ್ಕಿಸಲು ಕಲಾತ್ಮಕವಾಗಿ ಆಕರ್ಷಕವಾದ ತುಷಾರಗಿರಿ ಸೇತುವೆಯ ವಿನ್ಯಾಸ ಮತ್ತು ನಿರ್ಮಾಣ. ಕೊಲ್ಲಂನ ಚವಾರದಲ್ಲಿ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಇನ್‌ಫ್ರಾಸ್ಟ್ರಕ್ಚರ್ ಮತ್ತು ನಿರ್ಮಾಣದ ವಿನ್ಯಾಸ ಮತ್ತು ನಿರ್ಮಾಣ.
[ ] 2015 ರಲ್ಲಿ UL ಕೇರ್ ನಾಯನಾರ್ ಸದನಂ ಇನ್ಸ್ಟಿಟ್ಯೂಟ್ ಆಫ್ ವೊಕೇಶನಲ್ ಟ್ರೈನಿಂಗ್ ಮತ್ತು ವಯಸ್ಕರಿಗೆ ಉದ್ಯೋಗವನ್ನು ಪ್ರಾರಂಭಿಸಿತು.
[ ] 2016 ರಲ್ಲಿ ಭಾರತದ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರು ಕೋಝಿಕ್ಕೋಡ್‌ನಲ್ಲಿ ಯುಎಲ್ ಸೈಬರ್ ಪಾರ್ಕ್ ಅನ್ನು ಉದ್ಘಾಟಿಸಿದರು.
[ ] 2018 ರಲ್ಲಿ ಶಿಕ್ಷಣದಲ್ಲಿ ವೈವಿಧ್ಯೀಕರಣ, ULCCS ಭಾರತೀಯ ಮೂಲಸೌಕರ್ಯ ಮತ್ತು ನಿರ್ಮಾಣ ಸಂಸ್ಥೆಯನ್ನು ಕೊಲ್ಲಂನ ಚವಾರದಲ್ಲಿ ಪ್ರಾರಂಭಿಸಿತು.
[ ] 2018 ರಲ್ಲಿ ULCCS ಪ್ರಾದೇಶಿಕ ಕ್ಯಾನ್ಸರ್ ಕೇಂದ್ರ ಕಟ್ಟಡದ ನಿರ್ಮಾಣವನ್ನು ತಿರುವನಂತಪುರಂನಲ್ಲಿ ಕೈಗೆತ್ತಿಕೊಂಡಿತು.
[ ] 2018 ರಲ್ಲಿ ಶಿಕ್ಷಣ ಕ್ಷೇತ್ರದ ಪ್ರಮುಖ ಹೆಜ್ಜೆಯಾಗಿ, DDU- GKY UL ಸ್ಕಿಲ್ ಅಕಾಡೆಮಿಯನ್ನು (ಕೌಶಲ್ಯ ತರಬೇತಿ ಕೇಂದ್ರ )ಉದ್ಘಾಟಿಸಲಾಯಿತು.
[ ] 2019 ರಲ್ಲಿ UL ಹೌಸಿಂಗ್ ತನ್ನ ಮೊದಲ ಅಪಾರ್ಟ್ಮೆಂಟ್ ಯೋಜನೆಯನ್ನು UL ಅಪಾರ್ಟ್ಮೆಂಟ್ ಎಂದು ಪ್ರಾರಂಭಿಸಿತು.
[ ] ಜಾಗತಿಕ ಮಾರುಕಟ್ಟೆಯ ಸಾಮರ್ಥ್ಯವನ್ನು ಅನ್ವೇಷಿಸುವ ಕುಶಲಕರ್ಮಿಗಳಿಗೆ ಉತ್ತಮ ಜೀವನೋಪಾಯವನ್ನು ಒದಗಿಸಲು 2020 ರಲ್ಲಿ ಕೇರಳದ ಕಲೆ ಮತ್ತು ಕರಕುಶಲ ಗ್ರಾಮವನ್ನು ಪ್ರವಾಸೋದ್ಯಮದ ಹಾಟ್ ಸ್ಪಾಟ್ ಕೋವಲಂನಲ್ಲಿ ತೆರೆಯಲಾಯಿತು.
ಲೋಕೋಪಕಾರಿ ಅಂಗವಾಗಿ, ULCCS ʼಚಾರಿಟೇಬಲ್ ಮತ್ತು ವೆಲ್ಫೇರ್ ಫೌಂಡೇಶನ್ʼ ಅನ್ನು ನೋಂದಾಯಿಸಲಾಗಿದೆ. ಜನರ ಅನುಕೂಲಕ್ಕಾ PF, ESIE, soft loan, ಮದುವೆ, ಮನೆ ಮತ್ತು ವಾಹನ ಖರೀದಿಗಾಗಿ ಅತಿ ಕಡಿಮೆ ದರದಲ್ಲಿ ಸಾಲ ಸೌಲಭ್ಯಗಳನ್ನು ಒದಗಿಸುತ್ತಿದೆ.
“Building Alternatives; The story of India’s Oldest Construction Workers”. ಎಂಬ documentary ಬಂಡವಾಳಶಾಹಿಯೊಳಗೆ ಪರ್ಯಾಯವಾದ ULCCS ನ ಅನುಭವ ಮತ್ತು ನೀತಿಶಾಸ್ತ್ರವನ್ನು ವಿವರಿಸುತ್ತದೆ. ಬೇರೆ ಉದ್ಯಮಗಳಲ್ಲಿನ ಕಾರ್ಮಿಕರಿಗೆ ಸಿಗುವ ಆದಾಯಕ್ಕಿಂತ 30% ಹೆಚ್ಚು ಆದಾಯವನ್ನು ಕಾರ್ಮಿಕ ಸದಸ್ಯರಿಗೆ ಒದಗಿಸುವಲ್ಲಿ ULCCS ಯಶಸ್ವಿಯಾಗಿದೆ. ಸಹಕಾರಿ ಸಂಸ್ಥೆಗಳು ನಿಸ್ಸಂಶಯವಾಗಿ ಉತ್ಪಾದನೆಯ ಸಂಘಟನೆಯ ಬಂಡವಾಳಶಾಹಿ ವಿಧಾನಕ್ಕಿಂತ ಸುಧಾರಣೆಯಾಗಿದೆ. ಸ್ವಯಂ ನಿರ್ವಹಣೆ ಮತ್ತು ಸಹಭಾಗಿತ್ವದ ಪ್ರಜಾಪ್ರಭುತ್ವ ಪ್ರಮುಖ ಪಾಠಗಳನ್ನು ನೀಡುತ್ತಾ ಮತ್ತು ಸಾಮಾಜಿಕ ನ್ಯಾಯ ಮತ್ತು ಸಮಾಜ ಕಲ್ಯಾಣದ ಗುರಿಗಳನ್ನು ಸಾಧಿಸಲು ಸಹಕಾರ ಶ್ರಮಿಸುತ್ತದೆ.
ಕೃಪೆ
- The Genesis, Evolution, and Success of the Uralungal Labour Contract Cooperative Society http://ras.org.in/the_genesis_evolution_and_success_of_the_uralungal_labour_contract_cooperative_society
- ULCCS LTD https://ulccsltd.com/about-us/history
ಕು.ಪೆನಜ ವಿ.ರೆಡ್ಡಿ ಸ್ನಾತಕೋತರ ವಿದ್ಯಾರ್ಥಿ
ಮಂಗಳೂರು ವಿಶ್ವವಿದ್ಯಾಲಯ.
